خذ قلبي لجروحك ولا يجي قلبك جــــــــروح
يسلم قلبك اللـــي بكـل مـــــــا فيـــــــني فديته
وشلون مــــــــا شيل همومك وانت للروح روح
لــو ينشرى فــــــرحك بعـــمري لجلك شـــريته
لو ينشغل بالك احس كــــــــــــل مافينـي ينـوح
تصغر الدنيا بعيوني وكـــــــــل فرحـــي نسيته
اشكي مـــــــــــــا بك خـل قلبك لقلـــــــبي يبوح
ذبحــــــني سطـــر من الالم بعيونك قــــــــريته
عطني احزانك ببني لها بصدري صـــــــــروح
خلها من اسى الماضـــي اللــــي بحـــبي طويته
اضحك حبيبي بسمتك لـــــــــــي غايه وطمـوح
كـــــــن نور هـــالدنيا من صدى ضحكك خذيته
تبسم للامل خــــــــــــل عطـره بجـــــواك يفـوح
تـــرى بعيوني غــــــرامك امل عمــــــري بديته
انت بناظري قمه ويبقى غــــــــــــــــيرك سفـوح
لا عدمت نظـــر عيـــني دامــــك بطيفك ضويته
خذ قلبي خذ كل ما فيني ولا تجيك جـــــــــــــروح
انا ادري كــــــثر مــــا عطيتك حقك مــــــــا وفيته